ارفع ملف STL،
وشوف سعره فوراً.

لا، هو سعر تقديري مبني على حجم القطعة والخامة والتعبئة. منأكدلك السعر النهائي بعد ما نراجع الملف.

أرسلنا صورة الفكرة أو القطعة التالفة مع القياسات، ومنرسملك ياها كملف ثلاثي الأبعاد قبل الطباعة.

للمجسمات والتحف PLA، للقطع العملية اللي بتتعرض لرطوبة PETG، للحرارة ABS، وللقطع المرنة TPU. شوف قسم الخامات أو اسألنا.

هي كمية المادة جوّا القطعة. 15% خفيفة ومناسبة للمجسمات، 30% للاستخدام العادي، و60% أو أكثر للقطع اللي بتتحمل ضغط.

غالباً وحدة الملف مش مليمتر. غيّر «وحدة الملف» لسنتيمتر أو إنش، أو عدّل «الحجم %» لحتى توصل للقياس الصحيح.

الدفع عند الاستلام. للطلبات اللي سعرها فوق 10$، منطلب عربون (جزء من المبلغ) عبر Whish Money لتأكيد الطلب، والباقي بتدفعه وقت الاستلام.

إيه، منوصّل إلى كافة المناطق اللبنانية بـ 5$ للطلب كلّه (مش لكل قطعة). إذا المنطقة برّا نطاق شركة التوصيل، ممكن يتغيّر السعر ومنخبرك قبل. ما منربح عالتوصيل، المبلغ كلّه أتعاب شركة التوصيل.

لا. المعاينة والحساب بيصيروا بالكامل على جهازك، والملف ما بيوصلنا إلا لما ترسله أنت بالواتساب.